REFLEXIÓN SOBRE A CREATIVIDADE NA PRÁCTICA DAS CIENCIAS

Moitas veces dámoslle volta a como facilitar a comprensión de procesos un tanto complicados. Por exemplo, no caso que me toca: a Bioloxía, procesos como a división celular son un tanto confusos para moitos dos meus alumnos/as.
Innovar non é unha tarefa fácil e mesmo un tanto solitaria e incomprendida (podes ler o seguinte artigo de Javier Palazón)

Un xeito moi interesante de abordalo, e fomentar a creatividade tanto dende o profesorado como para o alumnado, é implementar prácticas ou tarefas estimuladoras e ao mesmo tempo rigorosas. Os tempos e lugares onde realizalo van dende o propio da clase ata entornos específicos, como un club de ciencias.

Así, a secuencia tradicional para ensinar este proceso: propostas de libro de texto, podemos enriquecela con actividades como as que presento a continuación.

Mitose real filmada:

Impresiónalles moito o ben pouco que se ve e a necesidade de esquemas e representación para entendelo mellor.

Simulación de mitose con plastilina e stopmotion:

É moi fácil de facer, require certa dose de paciencia e organización. Con programas como stopmotion, timelapse, pódese facer moi doadamente.

Simulación con alumnos ao ritmo de muiñeira:

Impresionante reinterpretación creativa dun proceso biolóxico en forma de coreografía de grupo e sen perder a perspectiva científica.

Como vedes, todas as propostas se complementan, e enriquecen a formación do noso alumnado presentando un mesmo proceso dende diferentes perspectivas e con rigorosidade.